Azərbaycan Yaşıl Kart Sistemində
İcbari Sığorta Bürosu ilk dəfə 2012-ci ildə Yaşıl Kart Sisteminə üzv olmaq məqsədilə sistemin idarəedici orqanı olan Bürolar Şurasına sorğu göndərmişdir. Bu sorğuya ilkin olaraq müsbət rəy verilmiş və sistemə üzv olmaq istəyən Bürolar üçün zəruri hesab olunan hüquqi və digər tələblərlə tanış edilmişdir. Azərbaycan Respublikasının Yaşıl Kart Sisteminə qoşula bilməsi üçün “İcbari sığortalar haqqında” Azərbaycan Respublikasının Qanununa 28 noyabr 2014-cü il tarixində müvafiq dəyişikliklər edilmişdir. 28 May 2015-ci il tarixində Polşanın Sopot şəhərində keçirilən Bürolar Şurasının Baş Assambleyasında Azərbaycanın “Yaşıl Kart” Beynəlxalq Sığorta sisteminə qəbul olunması və 1 yanvar 2016-cı il tarixindən fəaliyyətə başlanması təsdiqlənmişdir.
İcbari Sığorta Bürosu Yaşıl Kart sistemi çərçivəsində aşağıdakı siyahıda qeyd edilən ölkələrin Yaşıl Kart Büroları ilə əməkdaşlıq edir:
| Avropa İqtisadi Zonasına daxil olan ölkələr: | |
|---|---|
| 1 | Avstriya Respublikası |
| 2 | Belçika Krallığı |
| 3 | Kipr Respublikası |
| 4 | Çex Respublikası |
| 5 | Danimarka Krallığı |
| 6 | Estoniya Respublikası |
| 7 | Finlandiya Respublikası |
| 8 | Fransa Respublikası |
| 9 | Yunanıstan |
| 10 | Macarıstan |
| 11 | İrlandiya Respublikası |
| 12 | İtaliya Respublikası |
| 13 | İslandiya Respublikası |
| 14 | Latviya Respublikası |
| 15 | Litva Respublikası |
| 16 | Lüksemburq |
| 17 | Malta Respublikası |
| 18 | Norveç Krallığı |
| 19 | Niderland Krallığı |
| 20 | Portuqaliya Respublikası |
| 21 | Rumıniya |
| 22 | Slovakiya Respublikası |
| 23 | Sloveniya Respublikası |
| 24 | İsveçrə Konfederasiyası |
| 25 | Xorvatiya Respublikası |
| 26 | Almaniya Federativ Respublikası |
| 27 | İsveç Krallığı |
| 28 | İspaniya Krallığı |
| 29 | Bolqarıstan Respublikası |
| 30 | Birləşmiş Krallıq |
| 31 | Polşa Respublikası |
| Avropa İqtisadi Zonasına daxil olmayan ölkələr: | |
| 32 | Tunis Respublikası |
| 33 | Bosniya və Herseqovina |
| 34 | Makedoniya Respublikası |
| 35 | Monteneqro Respublikası |
| 36 | İran İslam Respublikası |
| 37 | Moldova Respublikası |
| 38 | Türkiyə Respublikası |
| 39 | Serbiya Respublikası |
| 40 | Ukrayna |
| 41 | Andorra Knyazlığı |
| 42 | Albaniya Respublikası |
| 43 | Mərakeş Krallığı |
